جهاز الأمن يهين المراة السودانية!!

*وتتواصل فصول القصة  التي لا تعرف نهاية !؛ قصة اهانة الشعب السوداني ؛ بواسطة :أجهزة أمن حزب المؤتمر الوطني.
هذه المقابلة اجرتها جريدة (حريــات) الإليكترونية، مع الفتاة سماح آدم، التي قامت هذه الأجهزة (الحقيرة) بالقبض عليها وجرها الي عربة(بوكس) ،قبل أن يمسك أحدهم بقميصها فيفتقه قبالة صدرها(!!).

*وفور ادخالها في قفص البوكس(دبل قبين)، ابتدأ أولاد (نافع) يتبارون في رشقها بالفاظ من الوقاحة والبذاءة والدناءة ؛التي يتلقونها من معلمهم (نافع)، بل وصاحب ذلك الكلام نوع من التحرش والتعدي علي الضحية.

*وبعد وصولها الي مبني هذا الجهاز الإجرامي ؛ قال لها احد المستقبلين كلام كثير وحقير، لم تستطع ترديده او التعبير عنه إلا بالدموع!
وداخل المبني الذي يقع بمنطقة بحري جوار (موقف شندي) هناك تلقت سماح ادم وزميلاتها المعتقلات تعذيب واهانات مضاعفة من أفراد لن يعرفوا سوي  الإنحطاط.
+هذا ملخص لما قراته في (حريات) وشاهدته في هذا الفيديو.

*قول البشير مؤخراً  في كل من شمال  كردفان ومن بعدها الشمالية، حول الحريات والفايس بوك  والجمهورية الثانية،ووو..، لهو كلام يثير السخرية والشفقة والضحك!!،
 ان الحريات التي يتقول بها البشير هي مجرد وعود كاذبة  يعرفها السودانيون ، و هرطقة نفاق في الساعة ال(25).يطلقها من أجل مصالحة الشعب الذي لا يفكر إلا في التدبير والتنسيق للهجمة الشعبية الكاسحة التي يسقط بها هذا النظام الذي تعددت عوامل اسقاطه، لكن السودانيين(الشباب) يريدون  ان يكون هم من يسقطه لا غيرهم من العوامل التي أخذت تتكامل و تتسابق من أجل النيل منه. 

##بالسوداني كده:
*نحن الان ما دايرن أي  حرية منكم. بس خلوها مكتومة كده يا(عمك) واحنا عارفين كيفن نحلها.
*مادايرين واحد زي الهندي عزالدين التابع ليكم ده علشان يجي يتوسل للبشير عشان يفك المحبوسين.هو بالله الهندي عنده صحيفة باسم الأهرام (الكانت تتحدث بلسان مبارك)،هو عمل  فرع الخرطوم ذايد كلمة(اليوم)، و(قبّال) يوم من سقوط مبارك كان الهندي بيتكلم لقناة النيل الأزرق-قال محلل سياسي قال-وكان صاحبنا ولأنه بيسافر كتيير لمصر ، عشان كده  كان بيدافع لمبارك ونظامه،وبيهاجم، الثورة المصرية وبيقول الشباب ديل ماعارفين حاجة في السياسة والثورة عايزة قيادة، وكمان قال ان (ايمن نور، والبرادعي ،وجورج اسحاق،واسامة الغزالي حرب.. وكلهم) اقرب لأمريكا واسرائيل من قرب مبارك للدولتين!!.بالله شوف ،هو انت دخلك شنو؟؟
ولكن بالامس كتب في جريدته(الأهرام اليوم) وقال (شهادته لله) كتب كلام شين شنة عن مبارك!!، وهو الآن يمدح الرئيس البشير ويصفه بالشحاعة وعدم الخوف ،وكمان يؤكد ان البشير عنده جماهيرية وشعبية جارفة!!!، طبعاً بكره حينقلب صاحبنا،ويقيف في صفنا ، وده شئ مؤكد.لكن مرفوض يا الهندي عزالدين،مع الأسف!

*كل الرؤساء الفاتوا كان السيناريوهات بتاعت زوالهم   سيئة بجد، لكن الشواهد بتقول ان سيناريو سقوط البشير حيكون الأسوا. لأنه يشابه سيناريوهات  صدام حسين، أو  ميلوزوفتش وتايلور.


*يا جهاز الأمن ويا البوليس ويا ملائش المؤتمر الوطني واسمعوا جيداً يا مجاهدين: لكم يوم  معانا ، واهانتكم لشباب ونساء السودان ما بفوت ساكت.
 جهاز أمن (الدولة) يهين مواطن الدولة!!!